Archive for category Google

Русия буйлап виртуал сәфәр

Posted by Татблоггер in Google on 15/02/2010

Русия Тимер Юллары (урысчасы РЖД) Google ширкәте б-н бергә Транссиб исемле яңа сервис ачып җибәрделәр. Транссиб Мәскәү, Нижгар, Киров кебек урыс җирләреннән уза, татарлар яшәгән Идел-Уралга кермәве сәбәпле безнең өчен бик кызык түгелдер…

Шул Транссибта пычрак Рәсәй шәһәрләреннән тыш, сез матур матур елгаларны, тауларны һәм урманнарны күрә аласыз.

Шунда «Кирәк ме ул безгә??» дип уйлап куйдым. Чыннан да, Казан-Кукмара экспрессына (Ижау экспрессы) утырасыз да җылыда рәхәттә Татарстаныбызны карап бара аласыз. Я Казан-Буа пуизы. Менә дигән сәфәр.

Татар блоггеры

Нет комментариев

Google Chrome Бөек Британияда

Posted by Татблоггер in Google on 30/12/2009

Google үз браузерын (Chrome) Бөек Британияда рекламаладыһәм шуның нәтиҗәсендә браузерны кулланучылар күбәйде.

«Фи!» диерсез, «Рекламалый дыр инде, безгә ул нәрсәгә кирәк?» диерсез…

Болай гына яздым инде, кызык булып тыелды. Рекламалары бик зур, гәҗитне алсак та, урамнарда элеп куелган билбордларга карасак та:

Интернет кулланучыларның эзләү системларында эзләү активлашуы:

Google Chrome әлегә Mozilla Firefox кебек үк популяр булмасада, кулланучылары арта бара:

Татблоггер.

Нет комментариев

Фотоларны интернетта саклау

Posted by Татблоггер in Google on 14/12/2009

Бу язмада мин сезгә фотоларны интернетта урнашттыру турында сөйлим.

1. Google Picasa

Picasa 3.6

татарский блог
Пикасаның 3.5 төре бета-версия булып калды. Шул вакытта 3.6 төре (версиасы) чыкты.

3.5 төрендә ни бар иде:
— Сезнең фотоларыгыз дөнья харитәсендә;
— Охшаш йөзләрне таба (Google Contacts сервисындагы йөзләр синхронизасиасы);
— Теглар белән әйбәтрәк эшләү;

3.6 төрендә нинди яңа мөмкинлекләр:
- Берничә кеше бер альбомны ясап төрле аккаунтлардан фотоларны урнаштыра алалар;
- Фотоларны санактан (компьютердан) гугл.пикаса-га «атканда» ук берничә кешегә җибәреп була.
- Танылган йөзле (кешеләрнең йөзләрен таныттырып була бит) файлларны бетереп була, кирәк файлларга «йөзне танырга» мөмкинлеген куерга була.

- Фотоларны кисәсегез килсә, көйләвендә  фәләнгә-фәлән итеп фото зурлыгын куеп була, киләчәктә фотоларны Picasa-га «атсагыз», шул ясаган көйләү буенча Пикаса аларны кисеп барыр.
- Фото төшерү көне буенча бар фотоларны бүлеп, фәлән көнне төшерелгән фотоларны импорт кылып була.
Яңа Picasa 3.6 инглиз телендә генә бар әле, татарга толмач кирәкми диләр, дөрес – кытайча йә урысчасы кирәкми. Инглизчәсе дә ярый:
«Җәмәгать, кулланыгыз вә шатланыгыз» (© Татар блоггеры, Татар блогы)
Picasa-дан фотоларны/рәсемнәрне e-mail аша җибәреп һәм блогта күрсәтеп була – Picasa ул Gmail һәм Blogger сервислары белән интеграсияләнгән.

2. Flickr

Ошбу сервис белән кулланыр өчен Yahoo! порталында аккаунтыгыз булырга тиеш, шунда теркәлергә кирәк димәк: монда.

Кимчелеге – 100 Мб-лык урын бирелә, аена 2 видеофайл да урнаштырып була, видеофайлларның зурлыгы – 130 Мб максимум.

Фотоларны бу сервиска Flickr Uploadr программысы ярдәмендә атып була.

Фотоларны Flickr-га Picasa-дан да атып була – шуның өчен Flickr Uploadr программыга Picasa2flickr плагины бар..

3. Яндекс Фотки

Менә монда инде бөтен интерфейс урысча һәм Flickr-дагы кебек бернинди лимит та юк – миллион рәсем саклагыз – беркем бернәрсә әйтмәс.

Яндекс Фотки-га фотоларны Picasaдан да атып була – аның өчен плагины да бар.

4. Photobucket

MySpace иҗтимәгый челтәрендәге фотоларның 70%-ы PhotoBucket-тан.

5. Pan0ramio

Panoramio ул Google Maps сервисы белән интеграсияләнгән, шуңа күрә фотоларны Maps-та, ягъни дөнья харитәсендәге нинди дер нокталарга, урыннарга бәйләп була.

6. Аралаш.ру, Дуслар.ру, Facebook, MySpace, Вконтакте кебек иҗтимәгый челтәрләрдә дә фотоларны саклап була, әммә алар

Комментарии (2)

Google Wave гадҗетлары

Posted by Татблоггер in Google on 11/12/2009

Интернетта ярты ел элек Google Wave дигән нәрсә пәйдә булды. Аның консепсиасы турында сөйлисе килми, бик авыр ул, катлаулы, гугл ачып карамалы… :)

Шул Гугл Дулкынында кадҗетларны куеп була. Дулкын гадҗетлары турында да википедияда карагыз, әммә миннән – гадҗетлар булсын:

1. Napkin (мәгълүмәт / сылтамасы) – Вконтактеда кулланучылар ыстинасында/тактасында рәсем ясаганыгыз бар мы? Бу – моның аналогы.

2. Vector Editor gadget  Vector Editor gadget  - бу да шундый ук, әммә катлаулырак бер рәсем редакторы.

3. Ribbit (мәгълүмәт)  - VoIP шалтыратулар һәм конференс-элемтә гадьеты.

 4. 6rounds (мәгълүмәт / сылтама) – аудио һәм видео конференс элемтә. Бик кызык нәрсә булырга тиеш. Үзем эшләп караган юк әле. :)

 5. Retro Chat (мәгълүмәт / сылтама) – иске стильдә булган чат.

6. Mappy (мәгълүмәт / сылтама) - Google Maps gadget.

Кулланыгыз :)

Татблоггер.

Комментарии (3)

Google Mapsның 10 сәер урам күренеше

Posted by Татблоггер in Google on 09/12/2009

Google Maps сервисы турында беләсез дер инде җәмәгать, аның урам күренешләре мөмкинчелеге турында да беләсез дер инде. Ул мөмкинчелек гугл панорамлы фото куя башлагач туды. Рәсәй җирлегендә андый фотолар бик булмаса да, читилдә һәрбер үзен «мин шәһәр» дип горур шәһәр исемен йөрткән авылларда да андый фотолар бар. Үзем шулай ничек тер Париж (Барис) һәм Ницца (Нис) шәһәрләре буйлап йөрдем. Бик кызык вә уңайлы нәрсә.

Менә шул урам күренешләре арасында бик сәер һәм кызык фотокүренешләр эләгә.

Чыганак

Шул. Беренчесендә нинди дер сәпиткә утырган әдәм икенче сәпитне тотып чаба, икенчесендә нинди дер самурайлар көрәшәләр, өченчесендә бер хатын-кыз машинага тибә, дүртенчесендә – бер кеше балконга менеп бара, бишенчесендә бер бичара сәпиттән егылып төшкән, алтынчысында юл буенда баскан музыкант үзенең уйнавын сата мы шунда… аңлап җиткермәдем. Җиденче сүрәттә – басуда Mozilla Firefox логотибы ясалган. Ничек? Белсәм әйтермен.  Сигезенче рәсемдә җир (су) тетрәве күрсәтелгән бугай (координатлары: 16 54 ’09.12″ N 99 58′ 16.07″ W), тугызынчысында – йорт януы күрсәтелгән (Eagle Point Drive in Sherwood, Arkansas), һәм инде унынчысында – бер әдәм актыгы сыра эчеп юл кырыенда ял итеп ята.

Шул. Кызык мы? Сезгә ничек тер, миңа кызык булды. Әммә ни өчен Google Maps-ка шундый кызык сүрәтләр кирәген аңлап бетермим. :)

Татблоггер

Комментарии (2)