Күптән генә түгел Apple үзенең Safari 4 берәүзерен (браузерын) чыгарды. Apple-да яңа берәүзернең элеккеге Safari 30% тизрәк эшли дип әйтәселәре килә. Ай-хай… Кулланып карабыз.

Астагы скриншотта Обама хатыны яулыксыз булуы сәбәплe аңа “безнең тарафыбыздан” яулык/хиҗап кидертелде .

3 көн эчендә үз санакларына яңа берәүзерне 11 млн. кеше куйган. Шуларның 6 млн. – Windows кулланучылары. Кем дер яңа дәстербүтифне (дистрибутифны) интернеттан яңадан иңдергән (яки дәвенлад кылган), кем дер үз Safari-сын яңарткан гына.
Бу бит 3 (өч) көн эчендэ. 2008 июнендә чыккан “Firefox 3″-не сигез көн эчендэ 8 млн. мәртәбә үз санакларына иңдергәннәр. Google Chrome берәүзерен беренче атнага 2 млн. кеше иңдергән иде.
Apple әйтүенчә, Safari 4 берәүзере Java Script эше буенча Internet Explorer 8-дән 8 мәртәбә, ә Firefox3-тән 4 мәртәбә тизрәк эшли ди. Opera 9 һәм әлбәттә Opera 10 турында берсе дә әйтмәде. Бу Норвегия (Нәрбәҗыстан яки Нәрбәҗ? ) берәүзере белән әле ярыша алмый, күрәсең.

Дөньяның иң тиз браузерының Opera хуҗалары да Opera 10 beta чыгардылар. Opera-да Presto 2.2. исемле яңа әнҗәйн (движок) кулланалар. Санакка кую өчен сылтама.

Opera 10 хәзер Acid-3 тестына туры килә (HTTP, HTML, CSS, ECMAScript, SVG һәм XML-лардагы хаталар). Берәүзердә (браузерда) орфография хаталарын автоматик рәвештә тикшерү мөикинлеге бар.
Хат-клиенты да үзгәрде. Хат язганда рәсемнәрне аттач кылырга да кирәкми, html-ны үзгәртү аша аларны хатның эченә кертеп, хәреф төрен вә зурлыгын да шуннан ук үзгәртеп була.